Pigmalion - Lorea Jainaga

Erabat ados nago testuarekin, Hansen ikerketan pertsonak gorputzarekin hitzez baino gehiago komunikatzen dugula argi ikus baitaiteke eta Rosenthalen ikerketari erreparatuz berriz ikasleak tratatzeko orduan aurreiritziek garrantzi handia dutela ikus genezake.

Izan ere, oso zaila da aurreiritzirik ez izatea. Aitonak beti esaten dit erdarazko esaldi famatua: “no juzgues un libro por su portada”, baina irakasle bati lehenengo egunean zer itxura ematen diozun nahikoa da kurtso guztirako zu markatzeko, onerako zein txarrerako; lehen esan bezala ez baita erreza pertsona bat ez etiketatzea.

Ni oso arduratsua izan naiz beti eta nire klase-kideak ere oso langileak izan dira pare bat kenduta, horregatik klasean maila altua eskatu izan digute andereñoek eta atzean geratu direnak edo nota onak atera ez dituztenak  ez dituzte berdin tratatu; hori oso harrigarria iruditu zait irakasleek preferentziak dituztela konturatu naizelako.

Horregatik, irakasle naizenean aurreiritziak alde batera uzten saiatuko naiz, ikasleen hobekuntza nire gain baitago eta nire jokabidea oso garrantzitsua izango baita haien hezkuntzan. Hori lortu ahal izateko, jokabide zein keinu edo estimuluak positiboak izan daitezen saiatuko naiz eta ikasleek zerbait ondo egiten dutenean zoriondu eta beste gauza bat egitera animatuko ditut.

Lider on batek  talde on bat eduki edo heziko baitu.